Notice: Undefined property: WP_Error::$cat_ID in /home/isoc/isocchapter.am/wp-content/themes/isocchapter/content-posts.php on line 32

«Ինտերնետ հասարակության Հայաստան հատված» ՀԿ-ն դատապարտում է Ադրբեջանում ինտերնետ սահմանափակումները

2020թ․ սեպտեմբերի 27-ին Ադրբեջանի Հանրապետության Տրանսպորտի, Կապի և Բարձր Տեխնոլոգիաների նախարարությունը հայտարարել է, որ Ադրբեջանում սահմանափակվում է ինտերնետի հասանելիությունը՝ հնարավոր սադրանքներից խուսափելու նպատակով։ Ինտերնետի ադրբեջանական օգտատերերը նշում են նաև սոցիալական ցանցերի համատարած արգելափակումների մասին։ «Ինտերնետ հասարակության Հայաստան հատված» ՀԿ-ն խստորեն դատապարտում է ինտերնետի ազատությանը, տեղեկատվության տարածմանը, մարդկանց ազատ կամարտահայտմանը խոչընդոտող այս քայլը։ Ադրբեջանի կողմից սեպտեմբերի 27-ի առավոտյան սանձարձակված ռազմական գործողությունների պայմաններում Ադրբեջանի բնակչությունը պետք է հնարավորություն ունենա միջազգային աղբյուրներից ստանալու հավաստի և բազմակողմանի տեղեկատվություն, հետևելու տեղեկատվական հոսքերին՝ օբյեկտիվ կարծիք ձևավորելու և արտահայտելու համար։ «Ինտերնետ հասարակության Հայաստան հատված» ՀԿ-ն միանում է ՀՀ Ինտերնետ Կառավարման համաժողով միջգերատեսչական խմբի կոչին՝ ուղղված Ինտերնետ կառավարման և Ինտերնետի ազատության ոլորտում գործող միջազգային հանրությանն ու կազմակերպություններին՝ իրենց դիրքորոշումն արտահայտելու Ադրբեջանում տիրող Ինտերնետ սահմանափակումների և մարդու հիմնարար իրավունքներն ու ազատությունները ոտնահարող գործողությունների վերաբերյալ:

Read More