Ազատ ու անվտանգ ինտերնետ կառուցելու ուղղությամբ գործող Գլոբալ «Ինտերնետ հասարակություն» կազմակերպությունը, որն աշխարհի տարբեր երկրներում ունի 130 գոծընկեր կառույց, հանրությանն իր գործընկերների իրականացրած ծրագերի մասին, ի թիվս այլ ձևաչափերի, տեղեկացնում է նաև ամենամսյա հաշվետվություններով։
Հոկտեմբեր ամսվա հաշվետվությունում կազմակերպությունը ներկայացրել է շուրջ 45 գործընկերների, այդ թվում նաև՝ «Ինտերնետ հասարակության Հայաստան հատված» ՀԿ երկու ծրագրեր։
Ամենամյա Ինտերնետ կառավարման հայաստանյան դպրոցի՝ ArmSIG2025-ի շրջանակում ԻՀՀՀ ՀԿ-ն հոկտեմբերի 11-ին Սյունիքի մարզի Գորիս քաղաքում անցկացրեց երկու միջոցառում.
- «Թվային անվտանգություն՝ վաղ տարիքից»՝ ուղղված երեխաների անվտանգ ինտերնետային վարքագծի ձևավորմանը,
- «Գրադարանների թվային զարգացում․ ինտերնետ հասանելիության կենտրոններ համայնքներում»՝ նախատեսված գրադարանների տեխնիկական հզորացման, աշխատակիցների վերապատրաստման և թվային ծառայությունների ներդրման համար։
Միջոցառումներին մասնակցել են Սյունիքի մարզի՝ Մեղրի, Սիսիան, Գորիս, Կապան և հարակից համայնքների ավելի քան 35 գրադարանների աշխատակիցներ և ուսուցիչներ։
