Հայաստանի թվային ապագայի ձևավորումը, գլոբալ ինտերնետային կառավարման գործընթացներում երկրի դերի ամրապնդումը և տեխնոլոգիական արագ զարգացող աշխարհի մարտահրավերներին արձագանքելու ուղիները կլինեն այս տարվա «Ինտերնետ կառավարման հայաստանյան համաժողովի»՝ ArmIGF2025-ի հիմնական թեմաները։
«Լոկալ մարտահրավերներ՝ գլոբալ լուծումներ» խորագրի ներքո անցկացվող համաժողովն այս տարի հոբելյանական է, այն 10-րդն է, ինչը նոր հնարավորություն է բոլոր նրանց համար, ովքեր հետաքրքրված են թվային քաղաքականությամբ, ազատ և անվտանգ ինտերնետով, արհեստական բանականությամբ, թվային գրագիտությամբ։
ArmIGF-ը հարթակ է, որը միավորում է պետական, մասնավոր, հասարակական և տեխնոլոգիական համայնքների ներկայացուցիչներին՝ քննարկելու թվային դարաշրջանի արդիական խնդիրներն ու դրանց համընդհանուր լուծումները։
Մասնակցել կարող են բոլոր նրանք, ովքեր
- հետաքրքրված են կամ զբաղվում են ինտերնետի կառավարմամբ, թվային իրավունքներով և քաղաքականություններով,
- ներգրավված են ՏՏ, կրթական կամ մեդիա ոլորտներում,
- ցանկանում են ներդրում ունենալ թվային ապագայի ձևավորման գործում։
Համաժողովը կանցկացվի նոյեմբերի 6-ին, Երևանում։ Մասնակցության համար գրանցումը պարտադիր է։ Տեղի և ժամի մասին գրանցվողները հավելյալ կտեղեկացվեն։
Միջոցառման ձևաչափը՝ հիբրիդային (առկա և առցանց մասնակցություն)։
Գրանցումը բաց է մինչև նոյեմբերի 3-ը՝ ներառյալ։
Միացե՛ք ArmIGF2025-ին՝ ձեր ներդրումն ունենալով ավելի բաց, անվտանգ և ներառական թվային Հայաստանի կառուցման գործում։
