Ինտերնետը, գոյության ավելի քան 50 տարում, հասցրել է դառնալ մարդկության կենցաղային ու մասնագիտական խնդիրների լուծման կամավոր-պարտադիր կիրառության գործիք։ Համացանցից ամենօրյա ռեժիմով այժմ օգտվում է մոլորակի բնակչության ավելի քան 50%-ը՝ 5.56 միլիարդ մարդ։ Անգամ այդ պարագայում, ըստ INTERNETSOCIETY – ի անդրադարձի, պահպանվում է խոցելիության համատարած զգացումը, և շարունակում է խնդիր մնալ համացանցի վստահելիությունը։
Ինտերնետի հանդեպ անվստահությունը բխում է տարբեր գործոններից, գլխավորապես՝ նրա ապակենտրոնացված բնույթից։ Իսկ վստահության պարտադիր բաղադրիչներն են՝
- Կոնֆիդենցիալությունը՝ տվյալների,
- Ճշգրտությունը՝ տեղեկությունների,
- Հասանելիությունը՝ ծառայությունների,
- Իսկությունը՝ օգտատերերի,
- Հաշվետվողականությունը՝ գործողությունների,
- Գաղտնիություն՝ անձնական տվյալների։
Ինտերնետի վստահելիության այս բաղադրիչների խնդիրներին և դրանց լուծման ուղված իր ծրագրերին է անդրադարձել մեր գործընկեր «Ինտերնետ հասարակություն» կազմակերպությունը։
