Սպիտակում տեղի ունեցավ այս տարվա ARMSIG-ը
Ինտերնետ կառավարման հայկական դպրոցն (ARMSIG) այս տարի անցկացվեց Լոռու մարզի Սպիտակ քաղաքում։ Համայնքի շուրջ 30 ներկայացուցիչներ՝ հիմնականում կրթական եւ մշակութային հաստատություններից, Սպիտակի քաղաքային գրադարանում երկու օր մասնակցեցին ամենամյա այս դասընթացին։
Ինտերնետի զարգացման ի՞նչ միտումներ կան, կրթության եւ հաղորդակցության հնարավորությունները, անվտանգության խնդիրներ։ Սրանք էին դասախոսությունների եւ քննարկումների թեմաները։
«Ինտերնետ հասարակություն հայաստան հատված» ՀԿ-ն՝ միանալով ինտերնետ կառավարման դպրոցների (SIG) համաշխարհային նախաձեռնությանը, արդեն յոթերորդ անգամ է կազմակերպում այս դպրոցը։ Այս տարի առաջին անգամ այն նախատեսված էր բացառապես մարզային բնակիչների համար։
Դասընթացն անցկացվեց հիբրիդային ձեւաչափով, մասնակիցներն առցանց հնարավորություն ունեցան համաշխարհային ինտերնետ համայնքի եւ ինտերնետի զարգացման միտումների մասին լսելու նաեւ մեր միջազգային գործընկերների դասախոսությունը։
Դասընթացի ավարտին մասնակիցներին շնորհվեցին վկայականներ։
