Skip to main content

Ինտերնետ հասարակության Հայաստան հատված

Քննարկում Եվրոպական խորհրդարանում. թվային ինքնիշխանությունը չպետք է դառնա մեկուսացում

Եվրոպան ինչպե՞ս կարող է ամրապնդել թվային ինքնիշխանությունը, կիբեռանվտանգությունը և դիմակայունությունը՝ միաժամանակ պահպանելով բաց, գլոբալ և փոխկապակցված ինտերնետը։ Այս հարցերին են անդրադարձել Եվրոպական խորհրդարանում «Թվային ինքնիշխանություն. ինչպես հավասարակշռել դիմակայունությունն ու բաց լինելը» խորագրով բարձր մակարդակի քննարկմանը։ Այն գումարվել էր Բրյուսելում՝ հոկտեմբերի 15-ին, գլոբալ «Ինտերնետ հանրության» Համայնքային շահերի պաշտպանության (Community Advocacy) աշխատաժողովի շրջանակներում։

Հայաստանը՝ ի դեմս «Ինտերնետ հասարակության Հայաստան հատվածի» խորհրդի անդամներ Կատարինա Գևորգյանի և Քրիստինա Հակոբյանի, քննարկման ակտիվ մասնակից էր։

Քննարկումը վարում էր ISOC-ի գործադիր տնօրեն Սալլի Ուենթվորթը։ Որպես բանախոսներ մասնակցում էին Եվրոպական խորհրդարանի պատգամավորներ Սերգեյ Լագոդինսկին և Քրիստիան Վիգենինը, Եվրոպական հանձնաժողովի ներկայացուցիչ Էստևե Սանցը և համայնքային այլ առաջնորդներ։

Կատարինա Գևորգյանն աշխատաժողովում ընդգծել է տվյալների պաշտպանության և գաղտնիության կարևորությունը Հայաստանի թվային զարգացման համատեքստում։ Նա շեշտել է անձնական տվյալների պաշտպանության, օգտատերերի անվտանգության ամրապնդման և թվային ծառայությունների նկատմամբ հանրային վստահության ձևավորման անհրաժեշտությունը։ Գևորգյանն անդրադարձել է նաև թվային ինքնիշխանության հարցին երկրի մոտեցումների ձևավորման վրա Հայաստանի և Եվրոպական միության զարգացող հարաբերությունների ու տարածաշրջանային համատեքստի ազդեցությանը։

Թվային ինքնիշխանությունն ոչ մի դեպքում չպետք է դառնա մեկուսացում կամ լիակատար տեխնոլոգիական անկախություն։ Սա է եղել քննարկման հիմնական արձանագրումներից մեկը։ Փոխարենը, այն պետք է օգնի երկրներին ամրապնդել դիմակայունությունը, ընդլայնել մարդկանց ընտրության հնարավորությունները և ապահովել ինտերնետի անվտանգ ու հուսալի հասանելիություն։ Այդ նպատակներին հասնելու համար էական են բաց չափորոշիչները, միջազգային համագործակցությունը, ինչպես նաև՝ քաղաքացիական հասարակության և տեխնիկական համայնքի ակտիվ համագործակցությունը։

Հայաստանի համար այս հարցերը հատկապես արդիական են, քանի որ երկիրը շարունակում է զարգացնել իր թվային ծառայություններն ու քաղաքականությունները։ Անձնական տվյալների պաշտպանությունը, թափանցիկության և հաշվետվողականության ապահովումը, ինչպես նաև թվային պետական ծառայությունների նկատմամբ վստահության ձևավորումը պետք է լինեն Հայաստանի թվային վերափոխման առանցքային առաջնահերթությունները։

Միջազգային նման քննարկումներին և նման նախաձեռնություններին իր մասնակցությամբ «Ինտերնետ հասարակության Հայաստան հատված» ՀԿ-ն շարունակում է խթանել բաց, անվտանգ և ներառական ինտերնետը Հայաստանում՝ իր ներդրումն ունենալով նաև ինտերնետի կառավարման, թվային իրավունքների և պատասխանատու թվային զարգացման մասին գլոբալ քննարկումներում։

Facebook
Twitter
LinkedIn
Գլխավոր_result
Արհեստական բանականությունից մինչև թվային վստահություն․ քննարկվել են ինտերնետի զարգացման մարտահրավերները
ArmIGF պատմություն_result
Ինտերնետի ապագան՝ համագործակցության միջոցով․ IGF-ը միավորում է բոլորին
6F424482-5FD8-4C19-8D53-0986BCF02418_result
Բազմաշահառու կառավարում․ ովքեր և ինչպես են որոշում ինտերնետի ապագան
9C7C472F-0B7D-496C-A467-E20BB5B482D3_result
Միասնական և կապակցված ինտերնետ․ համաշխարհային կապից մինչև Հայաստանի թվային հնարավորություններ
Էլեկտրամատակարարում_20261028_155359_0000_result
Կրիտիկական ենթակառուցվածքներ. համակարգերի դիմակայությունն ու ազգային անվտանգությունը
1000017746_result
Թվային տվյալների պաշտպանությունը՝ ծածկագրում
1000017640_result
Ծածկագրման միջազգային օր․ անվտանգությունը սկսվում է տվյալների պաշտպանությունից
1000017109_result
Համայնքներում ստեղծվում են ժամանակակից ինտերնետ հասանելիության կենտրոններ
Գրադարան am_result
Շնորհավոր Գրադարանավարի օրը
WhatsApp Image 2026-08-24 at 21.07
Գրադարանները՝ համայնքների թվային զարգացման կենտրոններ․ Սյունիքում ամփոփվել է մեկամյա ծրագիրը
Subscribe for our newsletter.