Skip to main content

Ինտերնետ հասարակության Հայաստան հատված

Տեխնոլոգիանե՞ր, թե՞ Բրայլյան համակարգ. «Չտեսնված» փոդքասթի երրորդ էպիզոդը

Թվային տեխնոլոգիաները կարո՞ղ են ամբողջությամբ փոխարինել Բրայլյան համակարգին, թե՞ այն կմնա տեսողական խնդիրներ ունեցող անձանց կրթության և գրագիտության ապահովման առանցքային գործիքը։

«Չտեսնված» փոդքասթի երրորդ էպիզոդում այս հարցի պատասխանը գտնելու փորձ են արել դիպլոմանկավարժ Ալլա Սահակյանը և Երևանի Նիկողայոս Տիգրանյանի անվան տեսողության խանգարումներ ունեցող երեխաների թիվ 14 հատուկ դպրոցի աշակերտ Սենիկ Մուրադյանը։

Զրուցակիցները փաստել են, որ տեխնոլոգիաներն այսօր լայնորեն կիրառվում են տեսողական խնդիրներ ունեցող անձանց կենցաղում և ուսման գործընթացում։ Ունեն զգալի արդյունավետություն, սակայն դեռևս երկար չեն փոխարինի Բրայլյան համակարգին։

«Կարդալով նյութն ավելի արագ ես ընկալում և հիմնավոր մտապահում։ Լսելու արդյունավետությունը չեմ ժխտում, ի դեպ ինձ համար երկուսն էլ հասանելի են, բայց տառաճանաչությունը, գրագիտությունը, այլ մակարդակի մասին են խոսում»,- նշել է Սենիկ Մուրադյանը։

Նրա կարծիքով, կարևոր է նախ տարրական դասարաններում Բրայլով գրել և կարդալ սովորելը, ապա միայն լայնորեն կիրառել թվային գործիքները. «Տառաճանաչությունը հիմնավոր սովորելու հնարավորություններ է տալիս, իսկ հետագայում՝ տարրականից բարձր դասարաններում արդեն կարելի է առաջնորդվել յուրաքանչյուր աշակերտի անհատական արդյունավետությամբ և ուսուցչի խորհրդով»։

«Չտեսնված»-ի երրորդ էպիզոդն անդրադառնում է նաև ժամանակակից տեխնոլոգիական լուծումներին՝ screen reader-ներին, աուդիոգրքերին, թվային Բրայլ սարքերին և նորարարական ուսուցման մեթոդներին։ Ի վերջո արձանագրվում է, որ տեխնոլոգիաները կարող են հզոր աջակցող գործիք լինել, սակայն գրագիտության հիմքը շարունակում է մնալ ընթերցանությունն ու գրավոր հաղորդակցությունը։

«Չտեսնված» փոդքասթը ստեղծվում է «Ինտերնետ հանրություն» հասարակական կազմակերպության նախաձեռնությամբ՝ համագործակցությամբ Հայաստանի կույրերի միավորման Սոկրատ Շահնազարյանի անվան մշակույթի տան հետ և փոդքասթեր Քրիստիան Գինոսյանի համակարգմամբ։ Նախագիծը նպատակ ունի զարգացնել տեսողական խնդիրներ ունեցող անձանց մեդիա հմտությունները և ստեղծել հարթակ, որտեղ համայնքի ներկայացուցիչները կարող են ինքնուրույն խոսել իրենց խնդիրների, փորձի և ձեռքբերումների մասին։

Նախաձեռնությունն իրականացվում է «Ինտերնետ հանրություն» ՀԿ-ի և «Ինտերնետ հասարակության Հայաստան հատված» ՀԿ-ի շարունակական համագործակցության շրջանակում։ Այս աշխատանքի կարևոր փուլերից մեկը 2024 թվականին «Մենք» ինտերնետային ռադիոյի ձայնագրման ստուդիայի տեխնիկական վերազինումն էր, որն իրականացվեց Հեռահաղորդակցության միջազգային միության՝ ITU-ի աջակցությամբ։

«Չտեսնված» փոդքասթի նախորդ էպիզոդը կարող եք լսել այս հղումով։

Facebook
Twitter
LinkedIn
Գլխավոր_result
YouthIGF Armenia2026. երիտասարդներին կոչ արեցին ստեղծել AI-ով, մտածել ինքնուրույն
55644767889_26f1da03f3_c_result
Հայաստանում ֆիքսված կապի միայն 21%-ն է ապահովում 100 Մբիթ/վրկ կամ ավելի արագություն՝ ԵՄ-ի 72%-ի համեմատ
Գլխավոր_result
ԱԲ-ն կդառնա՞ պետական վերահսկողության գործիք․ Հայաստանի և տարածաշրջանի ռիսկերը
Գլխավոր_result
Արհեստական բանականությունը հեշտացնում է աշխատանքը, բայց չի կարող փոխարինել մարդուն
Գլխավոր_result
Թվային Հայաստանի զարգացումը պահանջում է կապի ենթակառուցվածքների արդիականացում և հավասար հասանելիություն
Գլխավոր_result_
Կրիտիկական ենթակառուցվածքների անվտանգությունը պետք է հաշվի առնել դեռևս համակարգերի նախագծման փուլում
Գլխավոր_result
ԱԲ համակարգերը պետք է լինեն թափանցիկ, բացատրելի և տվյալների որակին համապատասխան
Գլխավոր_result
Արհեստական բանականությունից մինչև թվային վստահություն․ քննարկվել են ինտերնետի զարգացման մարտահրավերները
ArmIGF պատմություն_result
Ինտերնետի ապագան՝ համագործակցության միջոցով․ IGF-ը միավորում է բոլորին
6F424482-5FD8-4C19-8D53-0986BCF02418_result
Բազմաշահառու կառավարում․ ովքեր և ինչպես են որոշում ինտերնետի ապագան
Subscribe for our newsletter.