Skip to main content

Ինտերնետ հասարակության Հայաստան հատված

Գրադարանները՝ համայնքների թվային զարգացման կենտրոններ․ Սյունիքում ամփոփվել է մեկամյա ծրագիրը

Սյունիքի մարզի 21 բնակավայրերի 24 գրադարաններ այսուհետ հնարավորություն ունեն իրենց ավանդական գործունեությանը զուգահեռ ստանձնել նաև ինտերնետ հասանելիության և թվային հմտությունների զարգացման կենտրոնների գործառույթ։ Դրանցից որոշներն առաջին անգամ են ստացել ինտերնետ հասանելիություն։

Սա նախորդ տարի հոկտեմբերի 11-ին Գորիսում մեկնարկած «Գրադարանների թվային զարգացում և ինտերնետ հասանելիության կենտրոններ համայնքներում» մեկամյա ծրագրի արդյունքն է։

«Ինտերնետ հասարակության Հայաստան հատված» ՀԿ-ն, նախաձեռնելով ծրագիրը, որպես կարևոր բաղադրիչ դիտարկել է տեխնիկական միջոցների տրամադրումը։

Գրադարանները համալրվել են համակարգիչներով և Wi-Fi սարքերով, ապահովվել են վեցից մեկ տարով ինտերնետ հասանելիությամբ։ Միաժամանակ ներդրվել է գրադարանների թվային կառավարման համակարգ, իսկ աշխատակիցների համար կազմակերպվել են համապատասխան առկա և առցանց դասընթացներ։

«Այսչափ արհեստավարժ մասնագիտական համայնքի ներուժն օգտագործելու հնարավորությունները չընդլայնելն անփութություն կլիներ։ Այդ պատճառով էլ, համագործակցելով տարբեր գործընկերների հետ, արդեն տարիներ աշխատում ենք մարզերի գրադարանները տեխնիկապես վերազինելու և տեխնոլոգիաներին տիրապետելու աշխատակազմի հմտությունները զարգացնելու ուղղությամբ»,- ընդգծեց ԻՀՀՀ ՀԿ նախագահ Իգոր Մկրտումյանը։

Սարքավորումների տեղադրմանը հաջորդած դասընթացներում կարևորվել է դրանց արդյունավետ օգտագործման հմտությունների ձևավորումը՝ գործնական աջակցությամբ։

Աշխատանքի արդյունավետությունը ծրագրի համակարգող, ԻՀՀՀ ՀԿ խորհրդի անդամ Տիգրան Զարգարյանի կարծիքով՝ բացատրվում է նաև գրադարանների աշխատակիցների պատրաստակամությամբ. «Երկուստեք աշխատում ենք ժամանակի պահանջներին համապատասխան գործել։ Գրադարանների ահռելի ժառանգությունը հասանելի դարձնելու համար այդ կառույցները բազմաշետ գործունեության հնարավորություն պետք է ուենան»։

Հայաստանի 6 մարզերի և մայրաքաղաքի շուրջ 35 գրադարաններում իրականացված համանման ծրագրի արդյունքները Վանաձորի և Սպիտակի երեք գրադարաններում գնահատելով, միջազգային գործընկերները, մասնավորապես՝ Ինտերնետ հասարակության հիմնադրամի (Internet Society Foundation` ISF) ներկայացուցիչները համարել են որոշակի սոցիալական խնդիրներ կանխելու նախադեպային օրինակ։

Գրադարանը դիտարկելով նաև որպես համայնքի թվային կյանքի մաս՝ «Ինտերնետ հասարկության Հայաստան հատված» ՀԿ-ն մյուս մարզերում ծրագրում է համանման նախագծեր։

Facebook
Twitter
LinkedIn
Գլխավոր_result
ԱԲ-ն կդառնա՞ պետական վերահսկողության գործիք․ Հայաստանի և տարածաշրջանի ռիսկերը
Գլխավոր_result
Արհեստական բանականությունը հեշտացնում է աշխատանքը, բայց չի կարող փոխարինել մարդուն
Գլխավոր_result
Թվային Հայաստանի զարգացումը պահանջում է կապի ենթակառուցվածքների արդիականացում և հավասար հասանելիություն
Գլխավոր_result_
Կրիտիկական ենթակառուցվածքների անվտանգությունը պետք է հաշվի առնել դեռևս համակարգերի նախագծման փուլում
Գլխավոր_result
ԱԲ համակարգերը պետք է լինեն թափանցիկ, բացատրելի և տվյալների որակին համապատասխան
Գլխավոր_result
Արհեստական բանականությունից մինչև թվային վստահություն․ քննարկվել են ինտերնետի զարգացման մարտահրավերները
ArmIGF պատմություն_result
Ինտերնետի ապագան՝ համագործակցության միջոցով․ IGF-ը միավորում է բոլորին
6F424482-5FD8-4C19-8D53-0986BCF02418_result
Բազմաշահառու կառավարում․ ովքեր և ինչպես են որոշում ինտերնետի ապագան
9C7C472F-0B7D-496C-A467-E20BB5B482D3_result
Միասնական և կապակցված ինտերնետ․ համաշխարհային կապից մինչև Հայաստանի թվային հնարավորություններ
Էլեկտրամատակարարում_20261028_155359_0000_result
Կրիտիկական ենթակառուցվածքներ. համակարգերի դիմակայությունն ու ազգային անվտանգությունը
Subscribe for our newsletter.