Ծածկագրման համաշխարհային օրվա առիթով հոկտեմբերի 4-ին տեղի ունեցավ «Ինտերնետ հասարակության Հայաստան հատված» ՀԿ-ի նախաձեռնած «Ծածկագրումը՝ թվային անվտանգության գործոն» խորագրով աշխատաժողով, որին մասնակցեցին տեխնիկական համայնքի ներկայացուցիչները։
«Ինտերնետ հասարակություն Հայաստան հատված» ՀԿ նախագահ Իգոր Մկրտումյանը ներկայացրեց տվյալների պաշտպանության ու ծածկագրման ոլորտում առկա համաշխարհային գործընթացները եւ ընդգծեց ծածկագրման խնդիրները մասնագիտական համայնքի համատեղ ջանքերով լուծելու կարեւորությունը։ Նրա խոսքով, աշխատաժողովը ոչ միայն տեղեկություններ հաղորդելու, այլեւ տեխնիկակակն համայնքը զորացնելու ու հասարակությանն իրազեկելու նպատակ է հետապնդում։
Ոլորտի առաջատար փորձագետներն անդրադարձան անձնական, կոմերցիոն եւ այլ տվյալների անվտանգության ապահովման, ինչպես նաեւ դրանք վտանգող տարբեր գործոնների, քննարկեցին
- Post-Quantum գաղտնագրումը (PQC),
- Ի՞նչ է Ransomware-ը եւ ինչպե՞ս կարող եք պաշտպանված լինել,
- Կոդավորումը էլեկտրոնային կառավարության եւ թվային կառավարման մեջ,
- Կոդավորումը ֆինանսական հատվածում,
- Ծածկագրման եւ կիբեռանվտանգության մարտահրավերները եւ այլ արդիական թեմաներ։
Հայաստանը, ի դեմս «Ինտերնետ հասարակության Հայաստան հատված» եւ «Ինտերնետ հանրություն» ՀԿ-ների, 2023-ին միացել է Ծածկագրման համաշխարհային օրվան՝ ամենամյա մասնագիտական աշխատաժողովներ կազմակերպելու ծրագրով։
